41 shlokas
तच्छ्रुत्वा भाषितं तस्य शत्रुघ्नस्य महात्मनः । क्रोधामाहारयत्तीव्रं तिष्ठ तिष्ठेति चाब्रवीत् ।। 7.69.1 ।।
tacchrutvā bhāṣitaṃ tasya śatrughnasya mahātmanaḥ | krodhāmāhārayattīvraṃ tiṣṭha tiṣṭheti cābravīt || 7.69.1 ||
Translation
Hearing that speech of the great-souled Shatrughna, he summoned up a fierce anger and cried out, "Stand! Stand!"
पाणौ पाणिं विनिष्पिष्य दन्तान्कटकटाय्य च । लवणो रघुशार्दूलमाह्वयामास चासकृत् ।। 7.69.2 ।।
pāṇau pāṇiṃ viniṣpiṣya dantānkaṭakaṭāyya ca | lavaṇo raghuśārdūlamāhvayāmāsa cāsakṛt || 7.69.2 ||
Translation
Grinding one hand against the other and gnashing his teeth, Lavana challenged the tiger among the descendants of Raghu again and again.
तं ब्रुवाणं तथा वाक्यं लवणं घोरदर्शनम् । शत्रुघ्नो देवशत्रुघ्न इदं वचनमब्रवीत् ।। 7.69.3 ।।
taṃ bruvāṇaṃ tathā vākyaṃ lavaṇaṃ ghoradarśanam | śatrughno devaśatrughna idaṃ vacanamabravīt || 7.69.3 ||
Translation
To Lavana of dreadful aspect, who spoke such words, Shatrughna, the slayer of the enemies of the gods, said these words:
न शत्रुघ्नस्तथा जातो यथा ऽन्ये निर्जितास्त्वया । तदद्य बाणाभिहतो व्रज त्वं यमसादनम् ।। 7.69.4 ।।
na śatrughnastathā jāto yathā 'nye nirjitāstvayā | tadadya bāṇābhihato vraja tvaṃ yamasādanam || 7.69.4 ||
Translation
"Shatrughna is not born to be like those others whom you have conquered; therefore today, struck down by my arrow, go to the abode of Yama."
ऋषयो ऽप्यद्य पापात्मन्मया त्वां निहतं रणे । पश्यन्तु विप्रा विद्वांसस्त्रिदशा इव रावणम् ।। 7.69.5 ।।
ṛṣayo 'pyadya pāpātmanmayā tvāṃ nihataṃ raṇe | paśyantu viprā vidvāṃsastridaśā iva rāvaṇam || 7.69.5 ||
Translation
"Let the seers, the learned Brahmins, behold you slain by me in battle today, O wicked-souled one, just as the gods beheld Ravana."
त्वयि मद्बाणनिर्दग्धे पतिते ऽद्य निशाचर । पुरे जनपदे चापि क्षेममेव भविष्यति ।। 7.69.6 ।।
tvayi madbāṇanirdagdhe patite 'dya niśācara | pure janapade cāpi kṣemameva bhaviṣyati || 7.69.6 ||
Translation
"When you, O night-roamer, have been consumed by my arrows and have fallen today, there will be safety both in the city and in the countryside."
अद्य मद्बाहुनिष्क्रान्तः शरो वज्रनिभाननः । प्रवेक्ष्यते ते हृदयं पद्ममंशुरिवार्कजः ।। 7.69.7 ।।
adya madbāhuniṣkrāntaḥ śaro vajranibhānanaḥ | pravekṣyate te hṛdayaṃ padmamaṃśurivārkajaḥ || 7.69.7 ||
Translation
"Today an arrow with a face like the thunderbolt, sped from my arm, shall pierce your heart, as the ray born of the sun pierces the lotus."
एवमुक्तो महावृक्षं लवणः क्रोधमूर्च्छितः । शत्रुघ्नोरसि चिक्षेप स च तं शतधाच्छिनत् ।। 7.69.8 ।।
evamukto mahāvṛkṣaṃ lavaṇaḥ krodhamūrcchitaḥ | śatrughnorasi cikṣepa sa ca taṃ śatadhācchinat || 7.69.8 ||
Translation
Addressed in this way, Lavana, beside himself with rage, hurled a great tree at Shatrughna's chest, but Shatrughna split it into a hundred pieces.
तद्दृष्ट्वा विफलं कर्म राक्षसः पुनरेव तु । पादपान्सुबहून्गृह्य शत्रुघ्नायासृजद्बली ।। 7.69.9 ।।
taddṛṣṭvā viphalaṃ karma rākṣasaḥ punareva tu | pādapānsubahūngṛhya śatrughnāyāsṛjadbalī || 7.69.9 ||
Translation
Seeing that deed rendered fruitless, the mighty Rakshasa once again seized very many trees and flung them at Shatrughna.
शत्रुघ्नश्चापि तेजस्वी वृक्षानापततो बहून् । त्रिभिश्चतुर्भिरेकैकं चिच्छेद नतपर्वभिः ।। 7.69.10 ।।
śatrughnaścāpi tejasvī vṛkṣānāpatato bahūn | tribhiścaturbhirekaikaṃ ciccheda nataparvabhiḥ || 7.69.10 ||
Translation
And the radiant Shatrughna cut down the many trees as they came flying, each one with three or four straight-jointed arrows.
ततो बाणमयं वर्षं व्यसृजद्राक्षसोरसि । शत्रुघ्नो वीर्यसम्पन्नो विव्यथे न स राक्षसः ।। 7.69.11 ।।
tato bāṇamayaṃ varṣaṃ vyasṛjadrākṣasorasi | śatrughno vīryasampanno vivyathe na sa rākṣasaḥ || 7.69.11 ||
Translation
Then Shatrughna, endowed with valor, loosed a rain of arrows upon the Rakshasa's chest, yet that Rakshasa was not shaken.
ततः प्रहस्य लवणो वृक्षमुद्यम्य वीर्यवान् । शिरस्यभ्यहनच्छूरं स्रस्ताङ्गः स मुमोह वै ।। 7.69.12 ।।
tataḥ prahasya lavaṇo vṛkṣamudyamya vīryavān | śirasyabhyahanacchūraṃ srastāṅgaḥ sa mumoha vai || 7.69.12 ||
Translation
Then the valiant Lavana, laughing, raised up a tree and struck the heroic Shatrughna upon the head, and he, his limbs giving way, fell into a swoon.
तस्मिन्निपतिते वीरे हाहाकारो महानभूत् । ऋषीणां देवसङ्घानां गन्धर्वाप्सरसां तथा ।। 7.69.13 ।।
tasminnipatite vīre hāhākāro mahānabhūt | ṛṣīṇāṃ devasaṅghānāṃ gandharvāpsarasāṃ tathā || 7.69.13 ||
Translation
When that hero had fallen, a great cry of lamentation arose among the sages, the hosts of gods, and likewise the Gandharvas and Apsarases.
तमवज्ञाय तु हतं शत्रुघ्नं भुवि पातितम् । रक्षो लब्धान्तरमपि न विवेश स्वमालयम् ।। 7.69.14 ।।
tamavajñāya tu hataṃ śatrughnaṃ bhuvi pātitam | rakṣo labdhāntaramapi na viveśa svamālayam || 7.69.14 ||
Translation
But the demon, contemptuously supposing Shatrughna slain and cast down upon the ground, did not enter his own dwelling, even though he had gained the opportunity to do so.
नापि शूलं प्रजग्राह तं दृष्ट्वा भुवि पातितम् । ततो हत इति ज्ञात्वा तान्भक्षान्समुदावहत् ।। 7.69.15 ।।
nāpi śūlaṃ prajagrāha taṃ dṛṣṭvā bhuvi pātitam | tato hata iti jñātvā tānbhakṣānsamudāvahat || 7.69.15 ||
Translation
Nor did he take up his trident when he saw him fallen upon the ground; rather, concluding that he was dead, he carried off those creatures meant to be his food.
मुहूर्ताल्लब्धसञ्ज्ञस्तु पुनस्तस्थौ धृतायुधः । शत्रुघ्नो वै पुरद्वारि ऋषिभिः सम्प्रपूजितः ।। 7.69.16 ।।
muhūrtāllabdhasañjñastu punastasthau dhṛtāyudhaḥ | śatrughno vai puradvāri ṛṣibhiḥ samprapūjitaḥ || 7.69.16 ||
Translation
After a moment Shatrughna regained his senses and once more stood firm with weapon in hand at the city gate, honored by the sages.
ततो दिव्यममोघं तं जग्राह शरमुत्तमम् । ज्वलन्तं तेजसा घोरं पूरयन्तं दिशो दश ।। 7.69.17 ।।
tato divyamamoghaṃ taṃ jagrāha śaramuttamam | jvalantaṃ tejasā ghoraṃ pūrayantaṃ diśo daśa || 7.69.17 ||
Translation
Then he took up that supreme, divine, unfailing arrow, blazing terribly with its energy and filling the ten directions.
वज्राननं वज्रवेगं मेरुमन्दरसन्निभम् । नतं पर्वसु सर्वेषु संयुगेष्वपराजितम् ।। 7.69.18 ।।
vajrānanaṃ vajravegaṃ merumandarasannibham | nataṃ parvasu sarveṣu saṃyugeṣvaparājitam || 7.69.18 ||
Translation
Its face was like the thunderbolt and its speed like the thunderbolt; it resembled Mount Meru and Mandara, was bent at all its joints, and was unconquered in every battle.
असृक्चन्दनदिग्धाङ्गं चारुपत्रं पतत्रिणम् । दानवेन्द्राचलेन्द्राणामसुराणां च दारणम् ।। 7.69.19 ।।
asṛkcandanadigdhāṅgaṃ cārupatraṃ patatriṇam | dānavendrācalendrāṇāmasurāṇāṃ ca dāraṇam || 7.69.19 ||
Translation
Its body was smeared with blood like sandal-paste, it bore beautiful feathers and wings, and it was the render of the lords of the Danavas, the lords of mountains, and the Asuras.
तं दीप्तमिव कालाग्निं युगान्ते समुपस्थिते । दृष्ट्वा सर्वाणि भूतानि परित्रासमुपागमन् ।। 7.69.20 ।।
taṃ dīptamiva kālāgniṃ yugānte samupasthite | dṛṣṭvā sarvāṇi bhūtāni paritrāsamupāgaman || 7.69.20 ||
Translation
Beholding it blazing like the fire of Time when the end of an age has come, all beings were seized with terror.
सदेवासुरगन्धर्वं मुनिभिः साप्सरोगणम् । जगद्धि सर्वमस्वस्थं पितामहमुपस्थितम् ।। 7.69.21 ।।
sadevāsuragandharvaṃ munibhiḥ sāpsarogaṇam | jagaddhi sarvamasvasthaṃ pitāmahamupasthitam || 7.69.21 ||
Translation
Indeed the whole world, together with the gods, the Asuras, and the Gandharvas, along with the sages and the throngs of Apsarases, grew distressed and approached the Grandfather.
उवाच देवदेवेशं वरदं प्रपितामहम् । देवानां भयसंमोहो लोकानां सङ्क्षयं प्रति ।। 7.69.22 ।।
uvāca devadeveśaṃ varadaṃ prapitāmaham | devānāṃ bhayasaṃmoho lokānāṃ saṅkṣayaṃ prati || 7.69.22 ||
Translation
It addressed the boon-granting Great-Grandfather, lord of the lords of gods: 'There is a fear and bewilderment among the gods that portends the destruction of the worlds.'
नेदृशं दृष्टपूर्वं च न श्रुतं प्रपितामह । देवानां भयसम्मोहो लोकानां सङ्क्षयं प्रति ।। 7.69.23 ।।
nedṛśaṃ dṛṣṭapūrvaṃ ca na śrutaṃ prapitāmaha | devānāṃ bhayasammoho lokānāṃ saṅkṣayaṃ prati || 7.69.23 ||
Translation
'Never before, O Great-Grandfather, has such a thing been seen or heard — this fear and bewilderment among the gods that portends the destruction of the worlds.'
तेषां तद्वचनं श्रुत्वा ब्रह्मा लोकपितामहः । भयकारणमाचष्ट लोकानामभयङ्करः । उवाच मधुरां वाणीं शृणुध्वं सर्वदेवताः ।। 7.69.24 ।।
teṣāṃ tadvacanaṃ śrutvā brahmā lokapitāmahaḥ | bhayakāraṇamācaṣṭa lokānāmabhayaṅkaraḥ | uvāca madhurāṃ vāṇīṃ śṛṇudhvaṃ sarvadevatāḥ || 7.69.24 ||
Translation
Hearing those words of theirs, Brahma, the Grandfather of the worlds, the bestower of fearlessness upon the worlds, explained the cause of the fear, and spoke these sweet words: 'Listen, all you deities.'
वधाय लवणस्याजौ शरः शत्रुघ्नधारितः । तेजसा तस्य सम्मूढाः सर्वे स्मः सुरसत्तमाः ।। 7.69.25 ।।
vadhāya lavaṇasyājau śaraḥ śatrughnadhāritaḥ | tejasā tasya sammūḍhāḥ sarve smaḥ surasattamāḥ || 7.69.25 ||
Translation
'For the slaying of Lavana in battle, this arrow has been taken up by Shatrughna; by its energy we, the foremost of the gods, are all bewildered.'
एष पूर्वस्य देवस्य लोककर्तुः सनातनः । शरस्तेजोमयो वत्सा येन वै भयमागतम् ।। 7.69.26 ।।
eṣa pūrvasya devasya lokakartuḥ sanātanaḥ | śarastejomayo vatsā yena vai bhayamāgatam || 7.69.26 ||
Translation
'This, my children, is the eternal, energy-filled arrow of the primeval god, the maker of the worlds, by which this fear has come upon you.'
एष वै कैटभस्यार्थे मधुनश्च महाशरः । सृष्टो महात्मना तेन वधार्थे दैत्ययोस्तयोः ।। 7.69.27 ।।
eṣa vai kaiṭabhasyārthe madhunaśca mahāśaraḥ | sṛṣṭo mahātmanā tena vadhārthe daityayostayoḥ || 7.69.27 ||
Translation
'This great arrow was indeed created by that great-souled one for the sake of Kaitabha and Madhu, for the destruction of those two Daityas.'
एक एव प्रजानाति विष्णुस्तेजोमयं शरम् । एषा एव तनुः पूर्वा विष्णोस्तस्य महात्मनः ।। 7.69.28 ।।
eka eva prajānāti viṣṇustejomayaṃ śaram | eṣā eva tanuḥ pūrvā viṣṇostasya mahātmanaḥ || 7.69.28 ||
Translation
'Vishnu alone fully knows this energy-filled arrow, for this very arrow is the former body of that great-souled Vishnu.'
इतो गच्छत पश्यध्वं वध्यमानं महात्मना । रामानुजेन वीरेण लवणं राक्षसोत्तमम् ।। 7.69.29 ।।
ito gacchata paśyadhvaṃ vadhyamānaṃ mahātmanā | rāmānujena vīreṇa lavaṇaṃ rākṣasottamam || 7.69.29 ||
Translation
'Go forth from here and behold the foremost of Rakshasas, Lavana, being slain by the heroic, great-souled younger brother of Rama.'
तस्य ते देवदेवस्य निशम्य वचनं सुराः । आजग्मुर्यत्र युध्येते शत्रुघ्नलवणावुभौ ।। 7.69.30 ।।
tasya te devadevasya niśamya vacanaṃ surāḥ | ājagmuryatra yudhyete śatrughnalavaṇāvubhau || 7.69.30 ||
Translation
Having heard the words of that god of gods, the deities went to where the two, Shatrughna and Lavana, were fighting.
तं शरं दिव्यसङ्काशं शत्रुघ्नकरधारितम् । ददृशुः सर्वभूतानि युगान्ताग्निमिवोत्थितम् ।। 7.69.31 ।।
taṃ śaraṃ divyasaṅkāśaṃ śatrughnakaradhāritam | dadṛśuḥ sarvabhūtāni yugāntāgnimivotthitam || 7.69.31 ||
Translation
All beings beheld that arrow, resembling something divine and held in Shatrughna's hand, risen up like the fire at the end of an age.
अकाशमावृतं दृष्ट्वा देवैर्हि रघुनन्दनः । सिंहनादं भृशं कृत्वा ददर्श लक्षणं पुनः ।। 7.69.32 ।।
akāśamāvṛtaṃ dṛṣṭvā devairhi raghunandanaḥ | siṃhanādaṃ bhṛśaṃ kṛtvā dadarśa lakṣaṇaṃ punaḥ || 7.69.32 ||
Translation
Seeing the sky thronged with gods, Raghava raised a mighty lion's roar, and then once more set eyes upon the mark before him.
आहूतश्च पुनस्तेन शत्रुघ्नेन महात्मना । लवणः क्रोधसंयुक्तो युद्धाय समुपस्थितः ।। 7.69.33 ।।
āhūtaśca punastena śatrughnena mahātmanā | lavaṇaḥ krodhasaṃyukto yuddhāya samupasthitaḥ || 7.69.33 ||
Translation
Summoned again by the great-souled Shatrughna, Lavana, filled with wrath, took his stand for battle.
आकर्णात्स विकृष्याथ तद्धनुर्धन्विनां वरः । तं मुमोच महाबाणं लवणस्य महोरसि ।। 7.69.34 ।।
ākarṇātsa vikṛṣyātha taddhanurdhanvināṃ varaḥ | taṃ mumoca mahābāṇaṃ lavaṇasya mahorasi || 7.69.34 ||
Translation
Then that best of bowmen drew the bow back to his ear and loosed the great arrow into Lavana's broad chest.
उरस्तस्य विदार्याशु प्रविवेश रसातलम् ।। 7.69.35 ।।
urastasya vidāryāśu praviveśa rasātalam || 7.69.35 ||
Translation
Having swiftly cloven open his chest, the arrow plunged down into the nether world.
गत्वा रसातलं दिव्यः शरो विबुधपूजितः । पुनरेवागमत्तूर्णमिक्ष्वाकुकुलनन्दनम् ।। 7.69.36 ।।
gatvā rasātalaṃ divyaḥ śaro vibudhapūjitaḥ | punarevāgamattūrṇamikṣvākukulanandanam || 7.69.36 ||
Translation
Having gone to the nether world, that divine arrow, honored by the gods, came back at once and swiftly to the delight of the Ikshvaku line.
शत्रुघ्नशरनिर्भिन्नो लवणः स निशाचरः । पपात सहसा भूमौ वज्राहत इवाचलः ।। 7.69.37 ।।
śatrughnaśaranirbhinno lavaṇaḥ sa niśācaraḥ | papāta sahasā bhūmau vajrāhata ivācalaḥ || 7.69.37 ||
Translation
Pierced through by Shatrughna's arrow, that night-roaming rakshasa Lavana fell suddenly to the earth like a mountain struck by the thunderbolt.
तच्च शूलं महत्तेन हते लवणराक्षसे । पश्यतां सर्वदेवानां रुद्रस्य वशमन्वगात् ।। 7.69.38 ।।
tacca śūlaṃ mahattena hate lavaṇarākṣase | paśyatāṃ sarvadevānāṃ rudrasya vaśamanvagāt || 7.69.38 ||
Translation
And when the rakshasa Lavana had been slain by him, that great trident, in the sight of all the gods, passed back into the possession of Rudra.
एकेषुपातेन भृशं निपात्य लोकत्रयस्यापि रघुप्रवीरः । विनिर्बभावुत्तमचापबाणस्तमः प्रणुद्येव सहस्ररश्मिः ।। 7.69.39 ।।
ekeṣupātena bhṛśaṃ nipātya lokatrayasyāpi raghupravīraḥ | vinirbabhāvuttamacāpabāṇastamaḥ praṇudyeva sahasraraśmiḥ || 7.69.39 ||
Translation
Having utterly struck down with a single shot of his arrow the one who menaced even the three worlds, that foremost hero of the Raghus shone forth with his excellent bow and arrow, like the thousand-rayed sun dispelling the darkness.
ततो हि देवा ऋषिपन्नगाश्च प्रपूजिरे ह्यप्सरसश्च सर्वाः । दिष्ट्या जयो दाशरथेरवाप्तस्त्यक्त्वा भयं सर्प इव प्रशान्तः ।। 7.69.40 ।।
tato hi devā ṛṣipannagāśca prapūjire hyapsarasaśca sarvāḥ | diṣṭyā jayo dāśaratheravāptastyaktvā bhayaṃ sarpa iva praśāntaḥ || 7.69.40 ||
Translation
Then indeed the gods, the sages, and the serpents, and all the apsarases too, paid him honor: 'By good fortune the son of Dasharatha has won the victory!' — and, casting off their fear, they grew calm like a snake at peace.
इत्यार्षे श्रीमद्रामायणे वाल्मीकीये आदिकाव्ये श्रीमदुत्तरकाण्डे एकोनसप्ततितमः सर्गः ।। 69 ।।
ityārṣe śrīmadrāmāyaṇe vālmīkīye ādikāvye śrīmaduttarakāṇḍe ekonasaptatitamaḥ sargaḥ || 69 ||
Translation
Thus, in the sacred and glorious Ramayana, the first poem composed by Valmiki, in the glorious Uttara Kanda, ends the sixty-ninth sarga.