19 shlokas
श्रुत्वा सेनापतिं प्राप्तं भरतं केकयाधिपः । युधाजिद्गार्ग्यसहितं परां प्रीतिमुपागमत् ।। 7.101.1 ।।
śrutvā senāpatiṃ prāptaṃ bharataṃ kekayādhipaḥ | yudhājidgārgyasahitaṃ parāṃ prītimupāgamat || 7.101.1 ||
Translation
Hearing that the commander Bharata had arrived together with Yudhajit and Gargya, the lord of the Kekayas was filled with the greatest joy.
स निर्ययौ जनौघेन महता केकयाधिपः । त्वरमाणो ऽभिचक्राम गन्धर्वान्कामरूपिणः ।। 7.101.2 ।।
sa niryayau janaughena mahatā kekayādhipaḥ | tvaramāṇo 'bhicakrāma gandharvānkāmarūpiṇaḥ || 7.101.2 ||
Translation
That lord of the Kekayas set forth with a great host of people and, making haste, marched against the Gandharvas who could take any form at will.
भरतश्च युधाजिच्च समेतौ लघुविक्रमैः । गन्धर्वनगरं प्राप्तौ सबलौ सपदानुगौ ।। 7.101.3 ।।
bharataśca yudhājicca sametau laghuvikramaiḥ | gandharvanagaraṃ prāptau sabalau sapadānugau || 7.101.3 ||
Translation
And Bharata and Yudhajit, united and swift in their valor, reached the Gandharva city together with their armies and their attendant followers.
श्रुत्वा तु भरतं प्राप्तं गन्धर्वास्ते समागताः । योद्धुकामा महावीर्या व्यनदन् वै समन्ततः ।। 7.101.4 ।।
śrutvā tu bharataṃ prāptaṃ gandharvāste samāgatāḥ | yoddhukāmā mahāvīryā vyanadan vai samantataḥ || 7.101.4 ||
Translation
When they heard that Bharata had arrived, those Gandharvas, eager for battle and of mighty valor, assembled together and roared all around.
ततः समभवद्युद्धं तुमुलं रोमहर्षणम् । सप्तरात्रं महाभीमं न चान्यतरयोर्जयः ।। 7.101.5 ।।
tataḥ samabhavadyuddhaṃ tumulaṃ romaharṣaṇam | saptarātraṃ mahābhīmaṃ na cānyatarayorjayaḥ || 7.101.5 ||
Translation
Then there arose a tumultuous, hair-raising battle, exceedingly terrible, that lasted seven nights, and the victory belonged to neither of the two sides.
खड्गशक्तिधनुर्ग्राहा नद्यः शोणितसंस्रवाः । नृकलेवरवाहिन्यः प्रवृत्ताः सर्वतोदिशम् ।। 7.101.6 ।।
khaḍgaśaktidhanurgrāhā nadyaḥ śoṇitasaṃsravāḥ | nṛkalevaravāhinyaḥ pravṛttāḥ sarvatodiśam || 7.101.6 ||
Translation
Rivers streaming with blood, bearing along the corpses of men, with swords, spears, and bows for their crocodiles, began to flow in every direction.
ततो रामानुजः क्रुद्धः कालस्यास्त्रं सुदारुणम् । संवर्तं नाम भरतो गन्धर्वेष्वभ्यचोदयत् ।। 7.101.7 ।।
tato rāmānujaḥ kruddhaḥ kālasyāstraṃ sudāruṇam | saṃvartaṃ nāma bharato gandharveṣvabhyacodayat || 7.101.7 ||
Translation
Then Bharata, Rama's younger brother, in his wrath let loose against the Gandharvas the most dreadful weapon of Time, called the Samvarta.
ते बद्धाः कालपाशेन संवर्तेन विदारिताः । क्षणेनाभिहतास्तेन तिस्रः कोट्यो महात्मनाम् ।। 7.101.8 ।।
te baddhāḥ kālapāśena saṃvartena vidāritāḥ | kṣaṇenābhihatāstena tisraḥ koṭyo mahātmanām || 7.101.8 ||
Translation
Bound by the noose of Death and torn apart by the Samvarta weapon, three crores of those great beings were slain by him in a single instant.
तं घातं घोरसङ्काशं न स्मरन्ति दिवौकसः । निमेषान्तरमात्रेण तादृशानां महात्मनाम् ।। 7.101.9 ।।
taṃ ghātaṃ ghorasaṅkāśaṃ na smaranti divaukasaḥ | nimeṣāntaramātreṇa tādṛśānāṃ mahātmanām || 7.101.9 ||
Translation
Even the dwellers of heaven could not recall a slaughter so terrible in appearance, of such mighty beings, accomplished in but the space of the blinking of an eye.
हतेषु तेषु सर्वेषु भरतः केकयीसुतः । निवेशयामास तदा समृद्धे द्वे पुरोत्तमे ।। 7.101.10 ।।
hateṣu teṣu sarveṣu bharataḥ kekayīsutaḥ | niveśayāmāsa tadā samṛddhe dve purottame || 7.101.10 ||
Translation
When all those Gandharvas had been slain, Bharata, the son of Kaikeyi, then founded two excellent and prosperous cities.
तक्षं तक्षशिलायां तु पुष्कलं पुष्कलावते । गन्धर्वदेशे रुचिरे गान्धारविषये च सः ।। 7.101.11 ।।
takṣaṃ takṣaśilāyāṃ tu puṣkalaṃ puṣkalāvate | gandharvadeśe rucire gāndhāraviṣaye ca saḥ || 7.101.11 ||
Translation
He settled Taksha at Takshashila and Pushkala at Pushkalavata, in the lovely country of the Gandharvas, in the region of Gandhara.
धनरत्नौघसङ्कीर्णे काननैरुपशोभिते । अन्योन्यसङ्घर्षकृते स्पर्धया गुणविस्तरैः ।। 7.101.12 ।।
dhanaratnaughasaṅkīrṇe kānanairupaśobhite | anyonyasaṅgharṣakṛte spardhayā guṇavistaraiḥ || 7.101.12 ||
Translation
Both cities were filled with masses of wealth and jewels and adorned with groves, each rivaling the other and vying in the abundance of its excellences.
उभे सुरुचिरप्रख्ये व्यवहारैरकिल्बिषैः । उद्यानयानसम्पूर्णे सुविभक्तान्तरापणे ।। 7.101.13 ।।
ubhe suruciraprakhye vyavahārairakilbiṣaiḥ | udyānayānasampūrṇe suvibhaktāntarāpaṇe || 7.101.13 ||
Translation
Both were of most beautiful aspect, with honest dealings free of fault, full of gardens and conveyances, with well-arranged markets laid out within them.
उभे पुरवरे रम्ये विस्तरैरुपशोभिते । गृहमुख्यैः सुरुचिरैर्विमानसमवर्णिभिः ।। 7.101.14 ।।
ubhe puravare ramye vistarairupaśobhite | gṛhamukhyaiḥ surucirairvimānasamavarṇibhiḥ || 7.101.14 ||
Translation
Both were splendid and delightful cities, adorned in their full extent with foremost houses of great beauty, resembling celestial chariots in their hue.
शोभिते शोभनीयैश्च देवायतनविस्तरैः । तालैस्तमालैस्तिलकैर्वकुलैरुपशोभिते ।। 7.101.15 ।।
śobhite śobhanīyaiśca devāyatanavistaraiḥ | tālaistamālaistilakairvakulairupaśobhite || 7.101.15 ||
Translation
They were graced with beautiful and extensive temples of the gods, and adorned with palmyra, tamala, tilaka, and bakula trees.
निवेश्य पञ्चभिर्वर्षैर्भरतो राघवानुजः । पुनरायान्महाबाहुरयोध्यां केकयीसुतः ।। 7.101.16 ।।
niveśya pañcabhirvarṣairbharato rāghavānujaḥ | punarāyānmahābāhurayodhyāṃ kekayīsutaḥ || 7.101.16 ||
Translation
Having founded these cities over the course of five years, Bharata, the mighty-armed younger brother of Raghava and son of Kaikeyi, returned once more to Ayodhya.
सो ऽभिवाद्य महात्मानं साक्षाद्धर्ममिवापरम् । राघवं भरतः श्रीमान्ब्रह्माणमिव वासवः ।। 7.101.17 ।।
so 'bhivādya mahātmānaṃ sākṣāddharmamivāparam | rāghavaṃ bharataḥ śrīmānbrahmāṇamiva vāsavaḥ || 7.101.17 ||
Translation
The illustrious Bharata saluted that great-souled Raghava, who was like a second incarnation of Dharma himself, as Indra salutes Brahma.
शशंस च यथावृत्तं गन्धर्ववधमुत्तमम् । निवेशनं च देशस्य श्रुत्वा प्रीतो ऽस्य राघवः ।। 7.101.18 ।।
śaśaṃsa ca yathāvṛttaṃ gandharvavadhamuttamam | niveśanaṃ ca deśasya śrutvā prīto 'sya rāghavaḥ || 7.101.18 ||
Translation
He related, just as it had happened, the splendid slaying of the Gandharvas and the settling of the country, and Raghava was pleased to hear of it.
इत्यार्षे श्रीमद्रामायणे वाल्मीकीये आदिकाव्ये श्रीमदुत्तरकाण्डे एकोत्तरशततमः सर्गः ।। 101 ।।
ityārṣe śrīmadrāmāyaṇe vālmīkīye ādikāvye śrīmaduttarakāṇḍe ekottaraśatatamaḥ sargaḥ || 101 ||
Translation
Thus ends the one hundred and first canto of the venerable Uttara Kanda in the sacred Ramayana, the first poem, composed by the sage Valmiki.