35 shlokas
तस्य तद्वचनं श्रुत्वा राघवस्य महात्मनः । कुम्भयोनिर्मिहातेजा राममेतदुवाच ह ।। 7.2.1 ।।
tasya tadvacanaṃ śrutvā rāghavasya mahātmanaḥ | kumbhayonirmihātejā rāmametaduvāca ha || 7.2.1 ||
Translation
Having heard those words of the great-souled Raghava, the pitcher-born sage of mighty splendor spoke thus to Rama.
शृणु राम कथावृत्तं तस्य तेजोबलं महत् । जघान शत्रून्येनासौ न च वध्यः स शत्रुभिः ।। 7.2.2 ।।
śṛṇu rāma kathāvṛttaṃ tasya tejobalaṃ mahat | jaghāna śatrūnyenāsau na ca vadhyaḥ sa śatrubhiḥ || 7.2.2 ||
Translation
"Hear, Rama, the tale of his great splendor and strength, by which he slew his enemies, while he himself could not be slain by his foes.
तावत्ते रावणस्येदं कुलं जन्म च राघव । वरप्रदानं च तथा तस्मै दत्तं ब्रवीमि ते ।। 7.2.3 ।।
tāvatte rāvaṇasyedaṃ kulaṃ janma ca rāghava | varapradānaṃ ca tathā tasmai dattaṃ bravīmi te || 7.2.3 ||
Translation
So now, O Raghava, I shall tell you of Ravana's lineage and his birth, and likewise of the boon that was granted to him.
पुरा कृतयुगे राम प्रजापतिसुतः प्रभुः । पुलस्त्यो नाम ब्रह्मर्षिः साक्षादिव पितामहः ।। 7.2.4 ।।
purā kṛtayuge rāma prajāpatisutaḥ prabhuḥ | pulastyo nāma brahmarṣiḥ sākṣādiva pitāmahaḥ || 7.2.4 ||
Translation
In olden times, in the Krita age, O Rama, there was a lord, the son of Prajapati, a brahmin-sage named Pulastya, who was like the Grandsire (Brahma) himself made manifest.
नानुकीर्त्या गुणास्तस्य धर्मतः शीलतस्तथा । प्रजापतेः पुत्र इति वक्तुं शक्यं हि नामतः ।। 7.2.5 ।।
nānukīrtyā guṇāstasya dharmataḥ śīlatastathā | prajāpateḥ putra iti vaktuṃ śakyaṃ hi nāmataḥ || 7.2.5 ||
Translation
His virtues, in righteousness and in conduct, cannot be fully recounted; it is enough that he can be named simply as the son of Prajapati.
प्रजापतिसुतत्वेन देवानां वल्लभो हि सः । हृष्टः सर्वस्य लोकस्य गुणैः शुभ्रैर्महामतिः ।। 7.2.6 ।।
prajāpatisutatvena devānāṃ vallabho hi saḥ | hṛṣṭaḥ sarvasya lokasya guṇaiḥ śubhrairmahāmatiḥ || 7.2.6 ||
Translation
By his being the son of Prajapati he was indeed beloved of the gods; that great-minded one, delighting all the world by his pure virtues, was a joy to all.
स तु धर्मप्रसङ्गेन मेरोः पार्श्वे महागिरेः । तृणविन्द्वाश्रमं गत्वा न्यवसन्मुनिपुङ्गवः ।। 7.2.7 ।।
sa tu dharmaprasaṅgena meroḥ pārśve mahāgireḥ | tṛṇavindvāśramaṃ gatvā nyavasanmunipuṅgavaḥ || 7.2.7 ||
Translation
And that bull among sages, drawn by his devotion to dharma, went to the hermitage of Trinabindu on the slope of the great mountain Meru, and dwelt there.
तपस्तेपे स धर्मात्मा स्वाध्यायनियतेन्द्रियः । गत्वाश्रमपदं तस्य विघ्नं कुर्वन्ति कन्यकाः ।। 7.2.8 ।।
tapastepe sa dharmātmā svādhyāyaniyatendriyaḥ | gatvāśramapadaṃ tasya vighnaṃ kurvanti kanyakāḥ || 7.2.8 ||
Translation
That righteous one, his senses restrained and devoted to the recitation of the Vedas, performed austerities there; but maidens, coming to his hermitage, would disturb him.
देवपन्नगकन्याश्च राजर्षितनयाश्च याः । क्रीडन्त्यो ऽप्सरसश्चैव तं देशमुपपेदिरे ।। 7.2.9 ।।
devapannagakanyāśca rājarṣitanayāśca yāḥ | krīḍantyo 'psarasaścaiva taṃ deśamupapedire || 7.2.9 ||
Translation
Daughters of the gods and of the serpents, and the daughters of royal sages, and apsarases sporting about, would come to that place.
सर्वर्तुषृपभोग्यत्वाद्रम्यत्वात्काननस्य च । नित्यशस्तास्तु तं देशं गत्वा क्रीडन्ति कन्यकाः ।। 7.2.10 ।।
sarvartuṣṛpabhogyatvādramyatvātkānanasya ca | nityaśastāstu taṃ deśaṃ gatvā krīḍanti kanyakāḥ || 7.2.10 ||
Translation
Because the woodland could be enjoyed in every season and was so delightful, those maidens would constantly go to that place and play there.
देशस्य रमणीयत्वात्पुलस्त्यो यत्र स द्विजः । गायन्त्यो वादयन्त्यश्च लासयन्त्यस्तथैव च । मुनेस्तपस्विनस्तस्य विघ्नं चक्रुरनिन्दिताः ।। 7.2.11 ।।
deśasya ramaṇīyatvātpulastyo yatra sa dvijaḥ | gāyantyo vādayantyaśca lāsayantyastathaiva ca | munestapasvinastasya vighnaṃ cakruraninditāḥ || 7.2.11 ||
Translation
Because of the loveliness of the place where Pulastya, that twice-born sage, dwelt, those blameless maidens, singing and playing instruments and dancing, caused a disturbance to that ascetic sage.
अथ क्रुद्धो महातेजा व्याजहार महामुनिः । या मे दर्शनमागच्छेत्सा गर्भं धारयिष्यति ।। 7.2.12 ।।
atha kruddho mahātejā vyājahāra mahāmuniḥ | yā me darśanamāgacchetsā garbhaṃ dhārayiṣyati || 7.2.12 ||
Translation
Then the great-souled sage of mighty splendor, growing angry, declared: "Whichever woman comes within my sight shall conceive a child."
तास्तु सर्वाः प्रतिश्रुत्य तस्य वाक्यं महात्मनः । ब्रह्मशापभयाद्भीतास्तं देशं नोपचक्रमुः ।। 7.2.13 ।।
tāstu sarvāḥ pratiśrutya tasya vākyaṃ mahātmanaḥ | brahmaśāpabhayādbhītāstaṃ deśaṃ nopacakramuḥ || 7.2.13 ||
Translation
Now all of them, having heard the word of that great-souled one, and being afraid out of dread of the brahmin's curse, did not approach that place.
तृणबिन्दोस्तु राजर्षेस्तनया न शृणोति तत् ।। 7.2.14 ।।
tṛṇabindostu rājarṣestanayā na śṛṇoti tat || 7.2.14 ||
Translation
But the daughter of the royal sage Trinabindu did not hear of it.
गत्वाश्रमपदं तत्र विचचार सुनिर्भया । न सापश्यत्स्थिता तत्र काञ्चिदभ्यागतां सखीम् ।। 7.2.15 ।।
gatvāśramapadaṃ tatra vicacāra sunirbhayā | na sāpaśyatsthitā tatra kāñcidabhyāgatāṃ sakhīm || 7.2.15 ||
Translation
Going to that hermitage, she wandered about there quite fearlessly, and she did not see standing there any companion who had come along with her.
तस्मिन्काले महातेजाः प्राजापत्यो महानृषिः । स्वाध्यायमकरोत्तत्र तपसा भावितः स्वयम् ।। 7.2.16 ।।
tasminkāle mahātejāḥ prājāpatyo mahānṛṣiḥ | svādhyāyamakarottatra tapasā bhāvitaḥ svayam || 7.2.16 ||
Translation
At that time the great-splendored son of Prajapati, the mighty sage, exalted by his own austerities, was reciting the Veda there.
सा तु वेदश्रुतिं श्रुत्वा दृष्ट्वा वै तपसो निधिम् । अभवत्पाण्डुदेहा सा सुव्यञ्जितशरीरजा ।। 7.2.17 ।।
sā tu vedaśrutiṃ śrutvā dṛṣṭvā vai tapaso nidhim | abhavatpāṇḍudehā sā suvyañjitaśarīrajā || 7.2.17 ||
Translation
And she, hearing that recitation of the Veda and beholding that treasure-house of asceticism, became pale of body, with the marks of pregnancy plainly showing upon her.
वभूव च समुद्विग्ना दृष्ट्वा तद्दोषमात्मनः । इदं मे किन्त्विति ज्ञात्वा पितुर्गत्वा ऽ ऽश्रमे स्थिता ।। 7.2.18 ।।
vabhūva ca samudvignā dṛṣṭvā taddoṣamātmanaḥ | idaṃ me kintviti jñātvā piturgatvā ' 'śrame sthitā || 7.2.18 ||
Translation
And she became greatly agitated, seeing that affliction in herself; wondering "What is this that has befallen me?" she went and stood in her father's hermitage.
तां तु दृष्ट्वा तथाभूतां तृणविन्दुरथाब्रवीत् । किं त्वमेतत्त्वसदृशं धारयस्यात्मनो वपुः ।। 7.2.19 ।।
tāṃ tu dṛṣṭvā tathābhūtāṃ tṛṇavindurathābravīt | kiṃ tvametattvasadṛśaṃ dhārayasyātmano vapuḥ || 7.2.19 ||
Translation
Seeing her in that condition, Trinabindu then said: "Why is it that you bear upon yourself this body so unlike your own?"
सा तु कृत्वाञ्जलिं दीना कन्योवाच तपोधनम् । न जाने कारणं तात येन मे रूपमीदृशम् ।। 7.2.20 ।।
sā tu kṛtvāñjaliṃ dīnā kanyovāca tapodhanam | na jāne kāraṇaṃ tāta yena me rūpamīdṛśam || 7.2.20 ||
Translation
Then the maiden, distressed, folding her hands in reverence, said to that one rich in austerities: "I do not know the reason, father, by which my form has become like this.
किं तु पूर्वं गतास्म्येका महर्षेर्भावितात्मनः । पुलस्त्यस्याश्रमं दिव्यमन्वेष्टुं स्वसखीजनम् ।। 7.2.21 ।।
kiṃ tu pūrvaṃ gatāsmyekā maharṣerbhāvitātmanaḥ | pulastyasyāśramaṃ divyamanveṣṭuṃ svasakhījanam || 7.2.21 ||
Translation
"But formerly I went alone to the divine hermitage of the great sage Pulastya, whose soul was purified, in search of my own female companions."
न च पश्याम्यहं तत्र काञ्चिदभ्यागतां सखीम् । रूपस्य तु विपर्यासं दृष्ट्वा त्रासादिहागता ।। 7.2.22 ।।
na ca paśyāmyahaṃ tatra kāñcidabhyāgatāṃ sakhīm | rūpasya tu viparyāsaṃ dṛṣṭvā trāsādihāgatā || 7.2.22 ||
Translation
"And there I did not see any of my companions who had come; rather, beholding the disfigurement of their appearance, I came here out of fear."
तृणबिन्दुस्तु राजर्षिस्तपसा द्योतितप्रभः । ध्यानं विवेश तच्चापि ह्यपश्यदृषिकर्मजम् ।। 7.2.23 ।।
tṛṇabindustu rājarṣistapasā dyotitaprabhaḥ | dhyānaṃ viveśa taccāpi hyapaśyadṛṣikarmajam || 7.2.23 ||
Translation
Now the royal sage Trinabindu, whose radiance was kindled by his austerities, entered into meditation, and he perceived that this too was wrought by the sage's deed.
स तु विज्ञाय तं शापं महर्षेर्भावितात्मनः । गृहीत्वा तनयां गत्वा पुलस्त्यमिदमब्रवीत् ।। 7.2.24 ।।
sa tu vijñāya taṃ śāpaṃ maharṣerbhāvitātmanaḥ | gṛhītvā tanayāṃ gatvā pulastyamidamabravīt || 7.2.24 ||
Translation
And he, recognizing that it was the curse of the great sage whose soul was purified, took his daughter and went to Pulastya, and spoke these words to him:
भगवंस्तनयां मे त्वं गुणैः स्वैरेव भूषिताम् । भिक्षां प्रतिगृहाणेमां महर्षे स्वयमुद्यताम् ।। 7.2.25 ।।
bhagavaṃstanayāṃ me tvaṃ guṇaiḥ svaireva bhūṣitām | bhikṣāṃ pratigṛhāṇemāṃ maharṣe svayamudyatām || 7.2.25 ||
Translation
"Reverend one, accept this daughter of mine, adorned with her own virtues, as alms, O great sage—she who of her own accord has come forward to offer herself."
तपश्चरणयुक्तस्य श्रम्यमाणेन्द्रियस्य ते । शुश्रूषणपरा नित्यं भविष्यति न संशयः ।। 7.2.26 ।।
tapaścaraṇayuktasya śramyamāṇendriyasya te | śuśrūṣaṇaparā nityaṃ bhaviṣyati na saṃśayaḥ || 7.2.26 ||
Translation
"For you who are engaged in the practice of austerities, whose senses grow weary, she will ever be devoted to your service—of this there is no doubt."
तं ब्रुवाणं तु तद्वाक्यं राजर्षिं धार्मिकं तदा । जिघृक्षुरब्रवीत्कन्यां बाढमित्येव स द्विजः ।। 7.2.27 ।।
taṃ bruvāṇaṃ tu tadvākyaṃ rājarṣiṃ dhārmikaṃ tadā | jighṛkṣurabravītkanyāṃ bāḍhamityeva sa dvijaḥ || 7.2.27 ||
Translation
Then, to the royal sage who spoke that speech, the righteous twice-born one, desiring to receive the maiden, said only, "So be it."
दत्त्वा स तु यथान्यायं स्वमाश्रमपदं गतः । सापि तत्रावसत्कन्या तोषयन्ती पतिं गुणैः ।। 7.2.28 ।।
dattvā sa tu yathānyāyaṃ svamāśramapadaṃ gataḥ | sāpi tatrāvasatkanyā toṣayantī patiṃ guṇaiḥ || 7.2.28 ||
Translation
Having given her away according to custom, he returned to his own hermitage; and that maiden too dwelt there, pleasing her husband with her virtues.
तस्यास्तु शीलवृत्ताभ्यां तुतोष मुनिपुङ्गवः । प्रीतः स तु महातेजा वाक्यमेतदुवाच ह ।। 7.2.29 ।।
tasyāstu śīlavṛttābhyāṃ tutoṣa munipuṅgavaḥ | prītaḥ sa tu mahātejā vākyametaduvāca ha || 7.2.29 ||
Translation
The bull among sages was gratified by her conduct and character; and that one of great splendor, well pleased, spoke this word:
परितुष्टो ऽस्मि सुश्रोणि गुणानां सम्पदा भृशम् । तस्माद्देवि ददाम्यद्य पुत्रमात्मसमं तव ।। 7.2.30 ।।
parituṣṭo 'smi suśroṇi guṇānāṃ sampadā bhṛśam | tasmāddevi dadāmyadya putramātmasamaṃ tava || 7.2.30 ||
Translation
"I am exceedingly content, fair-hipped lady, with the wealth of your virtues; therefore, O goddess, this day I grant you a son equal to myself."
उभयोर्वंशकर्तारं पौलस्त्य इति विश्रुतम् । यस्मात्तु विश्रुतो वेदस्त्वयैषो ऽध्ययतो मम ।। 7.2.31 ।।
ubhayorvaṃśakartāraṃ paulastya iti viśrutam | yasmāttu viśruto vedastvayaiṣo 'dhyayato mama || 7.2.31 ||
Translation
"He shall be the founder of the lineage of both of us, renowned as Paulastya; and because the Veda was heard by you as I recited it,"
तस्मात्स विश्रवा नाम भविष्यति न संशयः । एवमुक्ता तु सा देवी प्रहृष्टेनान्तरात्मना ।। 7.2.32 ।।
tasmātsa viśravā nāma bhaviṣyati na saṃśayaḥ | evamuktā tu sā devī prahṛṣṭenāntarātmanā || 7.2.32 ||
Translation
"therefore he shall be named Vishravas—of this there is no doubt." Thus addressed, that goddess, with her inmost soul rejoicing,
अचिरेणैव कालेनासूत विश्रवसं सुतम् । त्रिषु लोकेषु विख्यातं यशोधर्मसमन्वितम् ।। 7.2.33 ।।
acireṇaiva kālenāsūta viśravasaṃ sutam | triṣu lokeṣu vikhyātaṃ yaśodharmasamanvitam || 7.2.33 ||
Translation
in but a short time bore the son Vishravas, renowned throughout the three worlds and endowed with glory and righteousness.
श्रुतिमान्समदर्शी च व्रताचाररतस्तथा । पितेव तपसा युक्तो ह्यभवद्विश्रवा मुनिः ।। 7.2.34 ।।
śrutimānsamadarśī ca vratācāraratastathā | piteva tapasā yukto hyabhavadviśravā muniḥ || 7.2.34 ||
Translation
Possessed of sacred learning, of impartial vision, and devoted to the practice of vows, the sage Vishravas became, like his father, joined to austerity.
इत्यार्षे श्रीमद्रामायणे वाल्मीकीये आदिकाव्ये श्रीमदुत्तरकाण्डे द्वितीयः सर्गः ।। 2 ।।
ityārṣe śrīmadrāmāyaṇe vālmīkīye ādikāvye śrīmaduttarakāṇḍe dvitīyaḥ sargaḥ || 2 ||
Translation
Thus ends the second canto in the venerable Uttara Kanda of the holy Ramayana of Valmiki, the first of poems, composed by the sage.