62 shlokas
स तु तत्र दशग्रीवः सह सैन्येन वीर्यवान् । अस्तं प्राप्ते दिनकरे निवासं समरोचयत् ।। 7.26.1 ।।
sa tu tatra daśagrīvaḥ saha sainyena vīryavān | astaṃ prāpte dinakare nivāsaṃ samarocayat || 7.26.1 ||
Translation
There the valiant Dashagriva, together with his army, when the sun had set, chose that place for his dwelling.
उदिते विमले चन्द्रे तुल्यपर्वतवर्चसि । प्रसुप्तं सुमहत्सैन्यं नानाप्रहरणायुधम् ।। 7.26.2 ।।
udite vimale candre tulyaparvatavarcasi | prasuptaṃ sumahatsainyaṃ nānāpraharaṇāyudham || 7.26.2 ||
Translation
When the spotless moon, rivaling the mountain in radiance, had risen, the vast army, bearing weapons of many kinds, fell asleep.
रावणस्तु महावीर्यो निषण्णः शैलमूर्धनि । स ददर्श गुणांस्तत्र चन्द्रपादपशोभितान् ।। 7.26.3 ।।
rāvaṇastu mahāvīryo niṣaṇṇaḥ śailamūrdhani | sa dadarśa guṇāṃstatra candrapādapaśobhitān || 7.26.3 ||
Translation
But Ravana of great valor, seated upon the summit of the mountain, beheld there its excellences, made beautiful by the rays of the moon and by its trees.
कर्णिकारवनैर्दीप्तैः कदम्बगहनैस्तथा । पद्मिनीभिश्च फुल्लाभिर्मन्दाकिन्या जलैरपि ।। 7.26.4 ।।
karṇikāravanairdīptaiḥ kadambagahanaistathā | padminībhiśca phullābhirmandākinyā jalairapi || 7.26.4 ||
Translation
It was adorned with groves of karnikara trees in radiant bloom and with thickets of kadamba, with lotus-pools full of open blossoms, and also with the waters of the Mandakini.
चम्पकाशोकपुन्नागमन्दारतरुभिस्तथा । चूतपाटललोध्रैश्च प्रियङ्ग्वर्जुनकेतकैः । तगरैर्नारिकैलैश्च प्रियालपनसैस्तथा ।। 7.26.5 ।।
campakāśokapunnāgamandāratarubhistathā | cūtapāṭalalodhraiśca priyaṅgvarjunaketakaiḥ | tagarairnārikailaiśca priyālapanasaistathā || 7.26.5 ||
Translation
And likewise with trees of champaka, ashoka, punnaga, and mandara, with mango, patala, and lodhra, with priyangu, arjuna, and ketaka, with tagara and coconut, and with priyala and panasa (jackfruit).
आरग्वधैस्तमालैश्च प्रियालवकुलैरपि । एतैरन्यैश्च तरुभिरुद्भासितवनान्तरे । किन्नरा मदनेनार्ता रक्ता मधुरकण्ठिनः ।। 7.26.6 ।।
āragvadhaistamālaiśca priyālavakulairapi | etairanyaiśca tarubhirudbhāsitavanāntare | kinnarā madanenārtā raktā madhurakaṇṭhinaḥ || 7.26.6 ||
Translation
With aragvadha and tamala trees, with priyala and bakula as well, and with these and other trees the interior of the forest was made resplendent; there the kinnaras, afflicted by love and impassioned, sang with sweet throats.
समं सम्प्रजगुर्यत्र मनस्तुष्टिविवर्धनम् ।। 7.26.7 ।।
samaṃ samprajaguryatra manastuṣṭivivardhanam || 7.26.7 ||
Translation
There they sang together in harmony, in a manner that increased the delight of the mind.
भिरुद्भासितवनान्तरे । विद्याधरा मदक्षीबा मदरक्तान्तलोचनाः । योषिद्भिः सह सङ्क्रान्ताश्चिक्रीडुर्जहृषुश्च वै ।। 7.26.8 ।।
bhirudbhāsitavanāntare | vidyādharā madakṣībā madaraktāntalocanāḥ | yoṣidbhiḥ saha saṅkrāntāścikrīḍurjahṛṣuśca vai || 7.26.8 ||
Translation
In the forest interior thus made resplendent by trees, the vidyadharas, intoxicated with drink and with the corners of their eyes reddened by wine, sported together with women and made merry.
घण्टानामिव सन्नादः शुश्रुवे मधुरस्वरः । अप्सरोगणसङ्घानां गायतां धनदालये ।। 7.26.9 ।।
ghaṇṭānāmiva sannādaḥ śuśruve madhurasvaraḥ | apsarogaṇasaṅghānāṃ gāyatāṃ dhanadālaye || 7.26.9 ||
Translation
Like the resounding of bells, a sweet-toned sound was heard there, the singing of the throngs of bands of apsarasas in the abode of the Wealth-giver (Kubera).
पुष्पवर्षाणि मुञ्चन्तो नगाः पवनताडिताः । शैलं तं वासयन्तीव मधुमाधवगन्धिनः ।। 7.26.10 ।।
puṣpavarṣāṇi muñcanto nagāḥ pavanatāḍitāḥ | śailaṃ taṃ vāsayantīva madhumādhavagandhinaḥ || 7.26.10 ||
Translation
The trees, shaken by the wind and shedding showers of blossoms, fragrant with the scent of honey-wine and of the madhavi creeper, seemed as if to perfume that mountain.
मधुपुष्परजःपृक्तं गन्धमादाय पुष्कलम् । प्रववौ वर्धयन्कामं रावणस्य सुखो ऽनिलः ।। 7.26.11 ।।
madhupuṣparajaḥpṛktaṃ gandhamādāya puṣkalam | pravavau vardhayankāmaṃ rāvaṇasya sukho 'nilaḥ || 7.26.11 ||
Translation
Taking up the abundant fragrance mingled with the pollen of honeyed flowers, the pleasant breeze blew, increasing the desire of Ravana.
गेयात्पुष्पसमृद्ध्या च शैत्याद्वायोर्गिरेर्गुणात् । प्रवृत्तायां रजन्यां च चन्द्रस्योदयनेन च ।। 7.26.12 ।।
geyātpuṣpasamṛddhyā ca śaityādvāyorgirerguṇāt | pravṛttāyāṃ rajanyāṃ ca candrasyodayanena ca || 7.26.12 ||
Translation
Through the singing, through the abundance of flowers, through the coolness of the wind, through the excellence of the mountain, through the setting in of the night, and through the rising of the moon—
रावणस्तु महावीर्यः कामस्य वशमागतः । विनिःश्वस्य विनिःश्वस्य शशिनं समवैक्षत ।। 7.26.13 ।।
rāvaṇastu mahāvīryaḥ kāmasya vaśamāgataḥ | viniḥśvasya viniḥśvasya śaśinaṃ samavaikṣata || 7.26.13 ||
Translation
Ravana of great valor came under the sway of desire, and sighing again and again, he gazed upon the moon.
एतस्मिन्नन्तरे तत्र दिव्याभरणभूषिता । सर्वाप्सरोवरा रम्भा दिव्यपुष्पविभूषिता ।। 7.26.14 ।।
etasminnantare tatra divyābharaṇabhūṣitā | sarvāpsarovarā rambhā divyapuṣpavibhūṣitā || 7.26.14 ||
Translation
Meanwhile, at that place, adorned with celestial ornaments and decked with celestial flowers, Rambha, the foremost of all apsarasas, appeared.
दिव्यचन्दनलिप्ताङ्गी मन्दारकृतमूर्धजा । दिव्योत्सवकृतारम्भा पूर्णचन्द्रनिभानना ।। 7.26.15 ।।
divyacandanaliptāṅgī mandārakṛtamūrdhajā | divyotsavakṛtārambhā pūrṇacandranibhānanā || 7.26.15 ||
Translation
Her limbs were anointed with divine sandal-paste, her hair was dressed with mandara blossoms, she had set out for a divine festival, and her face resembled the full moon.
चक्षुर्मनोहरं पीनं मेखलादामभूषितम् । समुद्वहन्ती जघनं रतिप्राभृतमुत्तमम् ।। 7.26.16 ।।
cakṣurmanoharaṃ pīnaṃ mekhalādāmabhūṣitam | samudvahantī jaghanaṃ ratiprābhṛtamuttamam || 7.26.16 ||
Translation
Bearing her hips, charming to the eye, full and lovely, adorned with the strings of a girdle, offering the highest gift of love,
कृतैर्विशेषकैरार्द्रैः षडर्तुकुसुमोद्भवैः ।। 7.26.17 ।।
kṛtairviśeṣakairārdraiḥ ṣaḍartukusumodbhavaiḥ || 7.26.17 ||
Translation
Decked with fresh, moist ornamental marks made of the blossoms that spring forth in all six seasons,
बभावन्यतमेव श्रीकान्तिद्युतिमतिह्रियाम् । नीलं सतोयमेघाभं वस्त्रं समवकुण्ठिता ।। 7.26.18 ।।
babhāvanyatameva śrīkāntidyutimatihriyām | nīlaṃ satoyameghābhaṃ vastraṃ samavakuṇṭhitā || 7.26.18 ||
Translation
Veiled in a dark garment that resembled a water-laden cloud, she shone as though she were one chosen out from among Beauty, Loveliness, Radiance, Wisdom, and Modesty themselves.
यस्या वक्त्रं शशिनिभं भ्रुवौ चापनिभे शुभे । ऊरू करिकराकारौ करौ पल्लवकोमलौ । सैन्यमध्येन गच्छन्ती रावणेनोपवीक्षिता ।। 7.26.19 ।।
yasyā vaktraṃ śaśinibhaṃ bhruvau cāpanibhe śubhe | ūrū karikarākārau karau pallavakomalau | sainyamadhyena gacchantī rāvaṇenopavīkṣitā || 7.26.19 ||
Translation
She whose face was like the moon, whose two fair brows were like bows, whose thighs were shaped like an elephant's trunk, and whose hands were soft as young shoots—as she passed through the midst of the host, she was beheld by Ravana.
तां समुत्थाय गच्छन्तीं कामबाणवशं गतः । करे गृहीत्वा लज्जन्तीं स्मयमानो ऽभ्यभाषत ।। 7.26.20 ।।
tāṃ samutthāya gacchantīṃ kāmabāṇavaśaṃ gataḥ | kare gṛhītvā lajjantīṃ smayamāno 'bhyabhāṣata || 7.26.20 ||
Translation
Falling under the sway of Kama's arrows, he rose up, and seizing by the hand that bashful woman as she walked on, he spoke to her with a smile:
क्व गच्छसि वरारोहे कां सिद्धिं भजसे स्वयम् । कस्याभ्युदयकालो ऽयं यस्त्वां समुपभोक्ष्यते ।। 7.26.21 ।।
kva gacchasi varārohe kāṃ siddhiṃ bhajase svayam | kasyābhyudayakālo 'yaṃ yastvāṃ samupabhokṣyate || 7.26.21 ||
Translation
"Where are you going, fair-hipped one? What good fortune do you go to enjoy of your own accord? Whose hour of rising prosperity is this, that he is to take his delight in you?
त्वदाननरसस्याद्य पद्मोत्पलसुगन्धिनः । सुधामृतरसस्येव को ऽद्य तृप्तिं गमिष्यति ।। 7.26.22 ।।
tvadānanarasasyādya padmotpalasugandhinaḥ | sudhāmṛtarasasyeva ko 'dya tṛptiṃ gamiṣyati || 7.26.22 ||
Translation
Who today shall be sated with the nectar of your mouth, fragrant as lotus and waterlily, as though it were the essence of ambrosia and the elixir of immortality?
स्वर्णकुम्भनिभौ पीनौ शुभौ भीरु निरन्तरौ । कस्योरस्थलसंस्पर्शं दास्यतस्ते कुचाविमौ ।। 7.26.23 ।।
svarṇakumbhanibhau pīnau śubhau bhīru nirantarau | kasyorasthalasaṃsparśaṃ dāsyataste kucāvimau || 7.26.23 ||
Translation
These two breasts of yours, O timid one, full and lovely like golden pitchers, fair and pressed close together without a gap—to whose chest shall they grant their touch?
सुवर्णचक्रप्रतिमं स्वर्णदामचितं पृथु । अध्यारोहति कस्ते ऽद्य जघनं स्वर्गरूपिणम् ।। 7.26.24 ।।
suvarṇacakrapratimaṃ svarṇadāmacitaṃ pṛthu | adhyārohati kaste 'dya jaghanaṃ svargarūpiṇam || 7.26.24 ||
Translation
Who today shall mount upon your broad hips, like a golden wheel in form, studded with strings of gold, heavenly in shape?
मद्विशिष्टः पुमान्को ऽद्य शक्रो विष्णुरथाश्विनौ । मामतीत्य हि यं च त्वं यासि भीरु न शोभनम् ।। 7.26.25 ।।
madviśiṣṭaḥ pumānko 'dya śakro viṣṇurathāśvinau | māmatītya hi yaṃ ca tvaṃ yāsi bhīru na śobhanam || 7.26.25 ||
Translation
What man today is superior to me—Indra, or Vishnu, or the two Ashvins? Surely there is none; for the one to whom you go, passing me by, O timid one, is no fitting match.
विश्रम त्वं पृथुश्रोणि शिलातलमिदं शुभम् ।। 7.26.26 ।।
viśrama tvaṃ pṛthuśroṇi śilātalamidaṃ śubham || 7.26.26 ||
Translation
Rest yourself here, O broad-hipped one, upon this auspicious slab of rock.
त्रैलोक्ये यः प्रभुश्चैव मदन्यो नैव विद्यते ।। 7.26.27 ।।
trailokye yaḥ prabhuścaiva madanyo naiva vidyate || 7.26.27 ||
Translation
In all the three worlds there exists no lord other than me.
तदेवं प्राञ्जलिः प्रह्वो याचते त्वां दशाननः । भर्तुर्भर्ता विधाता च त्रैलोक्यस्य भजस्व माम् ।। 7.26.28 ।।
tadevaṃ prāñjaliḥ prahvo yācate tvāṃ daśānanaḥ | bharturbhartā vidhātā ca trailokyasya bhajasva mām || 7.26.28 ||
Translation
Therefore thus, with joined palms and bowed low, does Ravana of the ten faces entreat you: I am lord of lords and ordainer of the three worlds—accept me!"
एवमुक्ता ऽब्रवीद्रम्भा वेपमाना कृताञ्जलिः । प्रसीद नार्हसे वक्तुमीदृशं त्वं हि मे गुरुः ।। 7.26.29 ।।
evamuktā 'bravīdrambhā vepamānā kṛtāñjaliḥ | prasīda nārhase vaktumīdṛśaṃ tvaṃ hi me guruḥ || 7.26.29 ||
Translation
Addressed thus, Rambha, trembling and with hands folded in supplication, replied: "Be gracious; it is not fitting that you speak to me in this way, for you are indeed an elder to me.
अन्येभ्यो हि त्वया रक्ष्या प्राप्नुयां धर्षणं यदि । तद्धर्मतः स्नुषा ते ऽहं तत्त्वमेव ब्रवीमि ते ।। 7.26.30 ।।
anyebhyo hi tvayā rakṣyā prāpnuyāṃ dharṣaṇaṃ yadi | taddharmataḥ snuṣā te 'haṃ tattvameva bravīmi te || 7.26.30 ||
Translation
I ought to be protected by you from others; were I to suffer violation at your hands, then by dharma I am your daughter-in-law—this very truth I tell you."
अथाब्रवीद्दशग्रीवश्चरणाधोमुखीं स्थिताम् । रोमहर्षमनुप्राप्तां दृष्टमात्रेण तां तदा ।। 7.26.31 ।।
athābravīddaśagrīvaścaraṇādhomukhīṃ sthitām | romaharṣamanuprāptāṃ dṛṣṭamātreṇa tāṃ tadā || 7.26.31 ||
Translation
Then Ravana of the ten necks spoke to her who stood at his feet with downcast face, and who, by his mere glance, had been overcome with a thrill of horror upon her body:
सुतस्य यदि मे भार्या ततस्त्वं हि स्नुषा भवेः । बाढमित्येव सा रम्भा प्राह रावणमुत्तरम् ।। 7.26.32 ।।
sutasya yadi me bhāryā tatastvaṃ hi snuṣā bhaveḥ | bāḍhamityeva sā rambhā prāha rāvaṇamuttaram || 7.26.32 ||
Translation
"If you were the wife of my son, then indeed you would be my daughter-in-law." To this Rambha answered Ravana, saying only, "Even so it is.
धर्मतस्ते सुतस्याहं भार्या राक्षसपुङ्गव । पुत्रः प्रियतरः प्राणैर्भ्रातुर्वैश्रवणस्य ते । विख्यातस्त्रिषु लोकेषु नलकूबर इत्ययम् ।। 7.26.33 ।।
dharmataste sutasyāhaṃ bhāryā rākṣasapuṅgava | putraḥ priyataraḥ prāṇairbhrāturvaiśravaṇasya te | vikhyātastriṣu lokeṣu nalakūbara ityayam || 7.26.33 ||
Translation
By dharma I am the wife of your son, O foremost of rakshasas; he is the son dearer than life to your brother Vaishravana, renowned throughout the three worlds as Nalakubara.
धर्मतो यो भवेद्विप्रः क्षत्रियो वीर्यतो भवेत् । क्रोधाद्यश्च भवेदग्निः क्षान्त्या च वसुधासमः ।। 7.26.34 ।।
dharmato yo bhavedvipraḥ kṣatriyo vīryato bhavet | krodhādyaśca bhavedagniḥ kṣāntyā ca vasudhāsamaḥ || 7.26.34 ||
Translation
He who by his virtue would be a brahmin, who by his valour would be a kshatriya, who in his wrath would be fire, and in his forbearance the equal of the earth—
तस्यास्मि कृतसङ्केता लोकपालसुतस्य वै । तमुद्दिश्य तु मे सर्वं विभूषणमिदं कृतम् ।। 7.26.35 ।।
tasyāsmi kṛtasaṅketā lokapālasutasya vai | tamuddiśya tu me sarvaṃ vibhūṣaṇamidaṃ kṛtam || 7.26.35 ||
Translation
to him, the son of a world-guardian, have I been pledged by tryst; it is for his sake that all this adornment of mine has been made."
तथा तस्य हि नान्यस्य भावो मां प्रति तिष्ठति ।। 7.26.36 ।।
tathā tasya hi nānyasya bhāvo māṃ prati tiṣṭhati || 7.26.36 ||
Translation
For thus indeed no affection toward any other than him abides within me.
तेन सत्येन मां राजन्मोक्तुमर्हस्यरिन्दम ।। 7.26.37 ।।
tena satyena māṃ rājanmoktumarhasyarindama || 7.26.37 ||
Translation
By that truth, O king, O subduer of foes, you ought to release me.
स हि तिष्ठति धर्मात्मा मां प्रतीक्ष्य समुत्सुकः । तत्र विघ्नं सुतस्येह कर्तुं नार्हसि मुञ्च माम् ।। 7.26.38 ।।
sa hi tiṣṭhati dharmātmā māṃ pratīkṣya samutsukaḥ | tatra vighnaṃ sutasyeha kartuṃ nārhasi muñca mām || 7.26.38 ||
Translation
For that righteous one waits, longing eagerly for me; you ought not to create an obstacle here to your son in this matter, so release me.
सद्भिराचरितं मार्गं गच्छ राक्षसुपुङ्गव । माननीयो मम त्वं हि पालनीया तथा ऽस्मि ते ।। 7.26.39 ।।
sadbhirācaritaṃ mārgaṃ gaccha rākṣasupuṅgava | mānanīyo mama tvaṃ hi pālanīyā tathā 'smi te || 7.26.39 ||
Translation
Walk in the path trodden by the virtuous, O bull among rakshasas; for you are to be honored by me, and I too am to be protected by you.
एवमुक्तो दशग्रीवः प्रत्युवाच विनीतवत् । स्नुषा ऽस्मि यदवोचस्त्वमेकपत्नीष्वयं क्रमः । देवलोकस्थितिरियं सुराणां शाश्वती मता ।। 7.26.40 ।।
evamukto daśagrīvaḥ pratyuvāca vinītavat | snuṣā 'smi yadavocastvamekapatnīṣvayaṃ kramaḥ | devalokasthitiriyaṃ surāṇāṃ śāśvatī matā || 7.26.40 ||
Translation
Addressed thus, the ten-necked Ravana replied with feigned humility: "As for what you have said, that you are a daughter-in-law to me, that rule applies only to women who have but one husband; this is held to be the eternal custom of the gods in the world of the gods."
पतिरप्सरसां नास्ति न चैकस्त्रीपरिग्रहः ।। 7.26.41 ।।
patirapsarasāṃ nāsti na caikastrīparigrahaḥ || 7.26.41 ||
Translation
"The apsarases have no single husband, nor is there for them the possession by one man alone."
अस्मि यदवोचस्त्वमेकपत्नीष्वयं क्रमः । एवमुक्त्वा स तां रक्षो निवेश्य च शिलातले । कामभोगाभिसंसक्तो मैथुनायोपचक्रमे ।। 7.26.42 ।।
asmi yadavocastvamekapatnīṣvayaṃ kramaḥ | evamuktvā sa tāṃ rakṣo niveśya ca śilātale | kāmabhogābhisaṃsakto maithunāyopacakrame || 7.26.42 ||
Translation
"...regarding what you have said, that this rule applies to women who have but one husband." Having spoken thus, that rakshasa, laying her down upon the surface of a rock and given over to the enjoyment of lust, set about coupling with her.
सा विमुक्ता ततो रम्भा भ्रष्टमाल्यविभूषणा । गजेन्द्राक्रीडमथिता नदीवाकुलतां गता ।। 7.26.43 ।।
sā vimuktā tato rambhā bhraṣṭamālyavibhūṣaṇā | gajendrākrīḍamathitā nadīvākulatāṃ gatā || 7.26.43 ||
Translation
Then Rambha, released, her garlands and ornaments fallen away, like a river churned by the sporting of a lordly elephant, fell into a state of distress.
लुलिताकुलकेशान्ता करवेपितपल्लवा । पवनेनावधूतेव लता कुसुमशालिनी ।। 7.26.44 ।।
lulitākulakeśāntā karavepitapallavā | pavanenāvadhūteva latā kusumaśālinī || 7.26.44 ||
Translation
Her hair-locks disheveled and tangled, her tender hands trembling, she was like a blossom-laden creeper shaken by the wind.
सा वेपमाना लज्जन्ती भीता करकृताञ्जलिः । नलकूबरमासाद्य पादयोर्निपपात ह ।। 7.26.45 ।।
sā vepamānā lajjantī bhītā karakṛtāñjaliḥ | nalakūbaramāsādya pādayornipapāta ha || 7.26.45 ||
Translation
Trembling, ashamed, and afraid, with her hands joined in supplication, she approached Nalakubara and fell at his feet.
तदवस्थां च तां दृष्ट्वा महात्मा नलकूबरः । अब्रवीत्किमिदं भद्रे पादयोः पतिता ऽसि मे ।। 7.26.46 ।।
tadavasthāṃ ca tāṃ dṛṣṭvā mahātmā nalakūbaraḥ | abravītkimidaṃ bhadre pādayoḥ patitā 'si me || 7.26.46 ||
Translation
And seeing her in that condition, the great-souled Nalakubara said: "What is this, good lady? You have fallen at my feet."
सा वै निःश्वसमाना तु वेपमाना कृताञ्जलिः । तस्मै सर्वं यथातत्त्वमाख्यातुमुपचक्रमे ।। 7.26.47 ।।
sā vai niḥśvasamānā tu vepamānā kṛtāñjaliḥ | tasmai sarvaṃ yathātattvamākhyātumupacakrame || 7.26.47 ||
Translation
Then she, sighing and trembling, with hands joined in supplication, began to relate everything to him just as it had happened.
एष देव दशग्रीवः प्राप्तो गन्तुं त्रिविष्टपम् । तेन सैन्यसहायेन निशेयं परिणामिता ।। 7.26.48 ।।
eṣa deva daśagrīvaḥ prāpto gantuṃ triviṣṭapam | tena sainyasahāyena niśeyaṃ pariṇāmitā || 7.26.48 ||
Translation
"This ten-necked Ravana, O lord, had come, on his way to the heaven of the gods; by him, accompanied by his army, this night of mine was spent."
आयन्ती तेन दृष्टा ऽस्मि त्वत्सकाशमरिन्दम । गृहीता तेन पृष्टा ऽस्मि कस्य त्वमिति रक्षसा ।। 7.26.49 ।।
āyantī tena dṛṣṭā 'smi tvatsakāśamarindama | gṛhītā tena pṛṣṭā 'smi kasya tvamiti rakṣasā || 7.26.49 ||
Translation
"As I was coming to your presence, O subduer of foes, I was seen by him; seized by that rakshasa, I was asked, 'Whose are you?'"
मया तु सर्वं यत्सत्यं तस्मै सर्वं निवेदितम् । काममोहाभिभूतात्मा नाश्रौषीत्तद्वचो मम ।। 7.26.50 ।।
mayā tu sarvaṃ yatsatyaṃ tasmai sarvaṃ niveditam | kāmamohābhibhūtātmā nāśrauṣīttadvaco mama || 7.26.50 ||
Translation
"And I declared to him truthfully all that was so, the whole of it; but his mind overcome by the delusion of lust, he did not heed those words of mine."
याच्यमानो मया देव स्नुषा ते ऽहमिति प्रभो । तत्सर्वं पृष्ठतः कृत्वा बलात्तेनास्मि धर्षिता ।। 7.26.51 ।।
yācyamāno mayā deva snuṣā te 'hamiti prabho | tatsarvaṃ pṛṣṭhataḥ kṛtvā balāttenāsmi dharṣitā || 7.26.51 ||
Translation
"Though I implored him, O lord, saying, 'I am your daughter-in-law,' O master, he set all that aside and violated me by force."
एवं त्वमपराधं मे क्षन्तुमर्हसि सुव्रत । न हि तुल्यं बलं सौम्य स्त्रियाश्च पुरुषस्य च ।। 7.26.52 ।।
evaṃ tvamaparādhaṃ me kṣantumarhasi suvrata | na hi tulyaṃ balaṃ saumya striyāśca puruṣasya ca || 7.26.52 ||
Translation
"Thus you ought to forgive this offense of mine, O you of good vows; for the strength of a woman and of a man, O gentle one, is not equal."
एतछुत्वा तु सङ्क्रुद्धस्तदा वैश्रवणात्मजः । धर्षणां तां परां श्रुत्वा ध्यानं सम्प्रविवेश ह ।। 7.26.53 ।।
etachutvā tu saṅkruddhastadā vaiśravaṇātmajaḥ | dharṣaṇāṃ tāṃ parāṃ śrutvā dhyānaṃ sampraviveśa ha || 7.26.53 ||
Translation
Hearing this, the son of Vaishravana was then greatly enraged; and having heard of that grievous outrage, he entered into meditation.
तस्य तत्कर्म विज्ञाय तदा वैश्रवणात्मजः । मुहूर्तात्क्रोधताम्राक्षस्तोयं जग्राह पाणिना ।। 7.26.54 ।।
tasya tatkarma vijñāya tadā vaiśravaṇātmajaḥ | muhūrtātkrodhatāmrākṣastoyaṃ jagrāha pāṇinā || 7.26.54 ||
Translation
Having understood that deed of his, the son of Vaishravana then, his eyes red with wrath within a moment, took up water in his hand.
गृहीत्वा सलिलं सर्वमुपस्पृश्य यथाविधि । उत्ससर्ज यथा शापं राक्षसेन्द्राय दारुणम् ।। 7.26.55 ।।
gṛhītvā salilaṃ sarvamupaspṛśya yathāvidhi | utsasarja yathā śāpaṃ rākṣasendrāya dāruṇam || 7.26.55 ||
Translation
Having taken up all the water and sipped it according to the prescribed rite, he hurled forth a dreadful curse upon the lord of the rakshasas.
अकामा तेन यस्मात्त्वं बलाद्भद्रे प्रधर्षिता । तस्मात्स युवतीमन्यां नाकामामुपयास्यति ।। 7.26.56 ।।
akāmā tena yasmāttvaṃ balādbhadre pradharṣitā | tasmātsa yuvatīmanyāṃ nākāmāmupayāsyati || 7.26.56 ||
Translation
Because, fair lady, you were violated by force against your will by him, therefore he shall never approach another young woman who is unwilling.
यदा ह्यकामां कामार्तो धर्षयिष्यति योषितम् । मूर्धा तु सप्तधा तस्य शकलीभविता तदा ।। 7.26.57 ।।
yadā hyakāmāṃ kāmārto dharṣayiṣyati yoṣitam | mūrdhā tu saptadhā tasya śakalībhavitā tadā || 7.26.57 ||
Translation
For when, tormented by lust, he forces himself upon a woman who is unwilling, then his head shall split apart into seven pieces.
तस्मिन्नुदाहृते शापे ज्वलिताग्निसमप्रभे । देवदुन्दुभयो नेदुः पुष्पवृष्टिश्च खाच्च्युता । पितामहमुखाश्चैव सर्वे देवाः प्रहर्षिताः ।। 7.26.58 ।।
tasminnudāhṛte śāpe jvalitāgnisamaprabhe | devadundubhayo neduḥ puṣpavṛṣṭiśca khāccyutā | pitāmahamukhāścaiva sarve devāḥ praharṣitāḥ || 7.26.58 ||
Translation
When this curse, blazing with a radiance like that of fire, had been pronounced, the celestial drums sounded and a rain of flowers fell from the sky; and all the gods, with Brahma the Grandsire at their head, were greatly delighted.
ज्ञात्वा लोकगतिं सर्वां तस्य मृत्युं च रक्षसः । ऋषयः पितरश्चैव प्रीतिमापुरनुत्तमाम् ।। 7.26.59 ।।
jñātvā lokagatiṃ sarvāṃ tasya mṛtyuṃ ca rakṣasaḥ | ṛṣayaḥ pitaraścaiva prītimāpuranuttamām || 7.26.59 ||
Translation
Knowing now the whole course that the world would take and the death destined for that rakshasa, the sages and the ancestral fathers attained the highest joy.
श्रुत्वा तु स दशग्रीवस्तं शापं रोमहर्षणम् । नारीषु मैथुने भावं नाकामास्वभ्यरोचयत् ।। 7.26.60 ।।
śrutvā tu sa daśagrīvastaṃ śāpaṃ romaharṣaṇam | nārīṣu maithune bhāvaṃ nākāmāsvabhyarocayat || 7.26.60 ||
Translation
Having heard that hair-raising curse, the ten-necked Ravana no longer took pleasure in the thought of union with women against their will.
तेन नीताः स्त्रियः प्रीतिमापुः सर्वाः पतिव्रताः । नलकूबरनिर्मुक्तं शापं श्रुत्वा मनःप्रियम् ।। 7.26.61 ।।
tena nītāḥ striyaḥ prītimāpuḥ sarvāḥ pativratāḥ | nalakūbaranirmuktaṃ śāpaṃ śrutvā manaḥpriyam || 7.26.61 ||
Translation
All the chaste and devoted women who had been carried off by him attained joy when they heard of the curse pronounced by Nalakubara, which was dear to their hearts.
इत्यार्षे श्रीमद्रामायणे वाल्मीकीये आदिकाव्ये श्रीमदुत्तरकाण्डे षड्वविंशः सर्गः ।। 26 ।।
ityārṣe śrīmadrāmāyaṇe vālmīkīye ādikāvye śrīmaduttarakāṇḍe ṣaḍvaviṃśaḥ sargaḥ || 26 ||
Translation
Thus ends the twenty-sixth canto in the venerable Uttara Kanda of the holy Ramayana, the first poem, composed by the sage Valmiki.