31 shlokas
हन्यमाने बले तस्मिन्पद्मनाभेन पृष्ठतः । माल्वान्सन्निवृत्तो ऽथ वेलामेत्य इवार्णवः ।। 7.8.1 ।।
hanyamāne bale tasminpadmanābhena pṛṣṭhataḥ | mālvānsannivṛtto 'tha velāmetya ivārṇavaḥ || 7.8.1 ||
Translation
When that army was being slaughtered from behind by Padmanabha (the lotus-naveled Vishnu), Malyavan thereupon turned back and stood firm, like the ocean recoiling on reaching the shore.
संरक्तनयनः कोपाच्चलन्मौलिर्निशाचरः । पद्मनाभमिदं प्राह वचनं पुरुषोत्तमम् ।। 7.8.2 ।।
saṃraktanayanaḥ kopāccalanmaulirniśācaraḥ | padmanābhamidaṃ prāha vacanaṃ puruṣottamam || 7.8.2 ||
Translation
His eyes red with rage and his crown trembling, the night-roamer addressed these words to Padmanabha, the Supreme Person:
नारायण न जानीषे क्षात्रधर्मं पुरातनम् । अयुद्धमनसो भीतानस्मान्हंसि यथेतरः ।। 7.8.3 ।।
nārāyaṇa na jānīṣe kṣātradharmaṃ purātanam | ayuddhamanaso bhītānasmānhaṃsi yathetaraḥ || 7.8.3 ||
Translation
"O Narayana, you do not know the ancient law of the warriors (kshatriya dharma), for you slay us who are frightened and have no mind to fight, as any common man would."
पराङ्मुखवधं पापं यः करोत्यसुरेतरः । स हन्ता न गतः स्वर्गं लभते पुण्यकर्मणाम् ।। 7.8.4 ।।
parāṅmukhavadhaṃ pāpaṃ yaḥ karotyasuretaraḥ | sa hantā na gataḥ svargaṃ labhate puṇyakarmaṇām || 7.8.4 ||
Translation
"He who, though no asura but one other than an asura, commits the sin of slaying one whose face is turned away in flight — such a slayer does not go to heaven, nor does he obtain the worlds of those who perform meritorious deeds."
युद्धश्रद्धा ऽथवा ते ऽस्ति शङ्खचक्रगदाधर । 4अहं स्थितो ऽस्मि पश्यामि बलं दर्शय यत्तव ।। 7.8.5 ।।
yuddhaśraddhā 'thavā te 'sti śaṅkhacakragadādhara | 4ahaṃ sthito 'smi paśyāmi balaṃ darśaya yattava || 7.8.5 ||
Translation
"But if you have the will to fight, O bearer of the conch, discus, and mace, here I stand and watch — show me what strength is yours."
माल्यवन्तं स्थितं दृष्ट्वा माल्यवन्तमिवाचलम् । उवाच राक्षसेन्द्रं तं देवराजानुजो बली ।। 7.8.6 ।।
mālyavantaṃ sthitaṃ dṛṣṭvā mālyavantamivācalam | uvāca rākṣasendraṃ taṃ devarājānujo balī || 7.8.6 ||
Translation
Seeing Malyavan standing firm like the unshakable Malyavat mountain, the mighty younger brother of the king of the gods (Vishnu, brother of Indra) spoke to that lord of the Rakshasas:
युष्मत्तो भयभीतानां देवानां वै मया ऽभयम् । राक्षसोत्सादनं दत्तं तदेतदनुपाल्यते ।। 7.8.7 ।।
yuṣmatto bhayabhītānāṃ devānāṃ vai mayā 'bhayam | rākṣasotsādanaṃ dattaṃ tadetadanupālyate || 7.8.7 ||
Translation
"To the gods who were stricken with fear of you I granted safety, and I pledged the destruction of the Rakshasas; that very pledge is now being fulfilled."
प्राणैरपि प्रियं कार्यं देवानां हि सदा मया । सो ऽहं वो निहनिष्यामि रसातलगतानपि ।। 7.8.8 ।।
prāṇairapi priyaṃ kāryaṃ devānāṃ hi sadā mayā | so 'haṃ vo nihaniṣyāmi rasātalagatānapi || 7.8.8 ||
Translation
"For the welfare of the gods I must always act, even at the cost of my own life; therefore I shall slay you all, even were you to flee into the nether world (Rasatala)."
देवदेवं ब्रुवाणं तं रक्ताम्बुरुहलोचनम् । शक्त्या बिभेद सङ्क्रुद्धो राक्षसेन्द्रो भुजान्तरे ।। 7.8.9 ।।
devadevaṃ bruvāṇaṃ taṃ raktāmburuhalocanam | śaktyā bibheda saṅkruddho rākṣasendro bhujāntare || 7.8.9 ||
Translation
As the God of gods, his eyes like red lotuses, was speaking thus, the enraged lord of the Rakshasas pierced him with a spear between his arms (in the chest).
माल्यवद्भुजनिर्मुक्ता शक्तिर्घण्टाकृतस्वना । हरेरुरसि बभ्राज मेघस्थेव शतह्रदा ।। 7.8.10 ।।
mālyavadbhujanirmuktā śaktirghaṇṭākṛtasvanā | harerurasi babhrāja meghastheva śatahradā || 7.8.10 ||
Translation
The spear, hurled from Malyavan's arm and resounding like the clang of a bell, gleamed upon the breast of Hari like a hundred-flashing lightning resting within a cloud.
ततस्तामेव चोत्कृष्य शक्तिं शक्तिधरप्रियः । माल्यवन्तं समुद्दिश्य चिक्षेपाम्बुरुहेक्षणः ।। 7.8.11 ।।
tatastāmeva cotkṛṣya śaktiṃ śaktidharapriyaḥ | mālyavantaṃ samuddiśya cikṣepāmburuhekṣaṇaḥ || 7.8.11 ||
Translation
Then the lotus-eyed one, dear to the bearer of the spear (Skanda), plucked out that very spear and hurled it, taking aim at Malyavan.
स्कन्दोत्सृष्टेव सा शक्तिर्गोविन्दकरनिस्सृता । काङ्क्षन्ती राक्षसं प्रायान्माहेन्द्रीवाञ्जनाचलम् ।। 7.8.12 ।।
skandotsṛṣṭeva sā śaktirgovindakaranissṛtā | kāṅkṣantī rākṣasaṃ prāyānmāhendrīvāñjanācalam || 7.8.12 ||
Translation
That spear, loosed from Govinda's hand as though discharged by Skanda, longing for the Rakshasa, sped toward him like Indra's weapon flying at the collyrium-dark mountain.
सा तस्योरसि विस्तीर्णे हारभारा ऽवभासिते । अपतद्राक्षसेन्द्रस्य गिरिकूट इवाशनिः ।। 7.8.13 ।।
sā tasyorasi vistīrṇe hārabhārā 'vabhāsite | apatadrākṣasendrasya girikūṭa ivāśaniḥ || 7.8.13 ||
Translation
It fell upon the broad chest of the lord of the Rakshasas, gleaming with the burden of his necklaces, like a thunderbolt upon a mountain peak.
तया भिन्नतनुत्राणः प्राविशद्विपुलं तमः । माल्यवान्पुनराश्वस्तस्तस्थौ गिरिरिवाचलः ।। 7.8.14 ।।
tayā bhinnatanutrāṇaḥ prāviśadvipulaṃ tamaḥ | mālyavānpunarāśvastastasthau giririvācalaḥ || 7.8.14 ||
Translation
His armor split by it, he sank into deep darkness; but Malyavan, recovering once more, stood firm like an immovable mountain.
ततः कार्ष्णायसं शूलं कण्टकैर्बहुभिर्वतम् । प्रगृह्याभ्यहनद्देवं स्तनयोरन्तरे दृढम् ।। 7.8.15 ।।
tataḥ kārṣṇāyasaṃ śūlaṃ kaṇṭakairbahubhirvatam | pragṛhyābhyahanaddevaṃ stanayorantare dṛḍham || 7.8.15 ||
Translation
Then, seizing a black-iron spike studded with many barbs, he struck the God hard between his breasts.
तथैव रणरक्तस्तु मुष्टिना वासवानुजम् । ताडयित्वा धनुर्मात्रमपक्रान्तो निशाचरः ।। 7.8.16 ।।
tathaiva raṇaraktastu muṣṭinā vāsavānujam | tāḍayitvā dhanurmātramapakrānto niśācaraḥ || 7.8.16 ||
Translation
Likewise, frenzied with battle, the night-roamer struck the younger brother of Vasava (Vishnu) with his fist and then drew back the distance of a bow's length.
ततो ऽम्बरे महाञ्छब्दः साधुसाध्विति चोदितः । आहत्य राक्षसो विष्णुं गरुडं चाप्यताडयत् ।। 7.8.17 ।।
tato 'mbare mahāñchabdaḥ sādhusādhviti coditaḥ | āhatya rākṣaso viṣṇuṃ garuḍaṃ cāpyatāḍayat || 7.8.17 ||
Translation
Thereupon a great cry of "Well done! Well done!" arose in the sky, for the Rakshasa had struck Vishnu and had struck Garuda as well.
वैनतेयस्ततः क्रुद्धः पक्षवातेन राक्षसम् । व्यपोहद्बलवान्वायुः शुष्कपर्णचयं यथा ।। 7.8.18 ।।
vainateyastataḥ kruddhaḥ pakṣavātena rākṣasam | vyapohadbalavānvāyuḥ śuṣkaparṇacayaṃ yathā || 7.8.18 ||
Translation
Thereupon the enraged son of Vinata (Garuda) drove off the Rakshasa with the wind of his wings, as a mighty gale scatters a heap of dry leaves.
द्विजेन्द्रपक्षवातेन द्रावितं दृश्य पूर्वजम् । सुमाली स्वबलैः सार्धं लङ्कामभिमुखो ययौ ।। 7.8.19 ।।
dvijendrapakṣavātena drāvitaṃ dṛśya pūrvajam | sumālī svabalaiḥ sārdhaṃ laṅkāmabhimukho yayau || 7.8.19 ||
Translation
Seeing his elder brother driven off by the wind of the lord of birds' wings, Sumali, together with his own forces, set out toward Lanka.
पक्षवातबलोद्धूतो माल्यवानपि राक्षसः । स्वबलेन समागम्य ययौ लङ्कां ह्रिया वृतः ।। 7.8.20 ।।
pakṣavātabaloddhūto mālyavānapi rākṣasaḥ | svabalena samāgamya yayau laṅkāṃ hriyā vṛtaḥ || 7.8.20 ||
Translation
Tossed away by the force of the wing-wind, the Rakshasa Malyavan too, joining his own forces, withdrew to Lanka, overcome with shame.
एवं ते राक्षसा तेन हरिणा कमलेक्षण । बहुशः संयुगे भग्ना हतप्रवरनायकाः ।। 7.8.21 ।।
evaṃ te rākṣasā tena hariṇā kamalekṣaṇa | bahuśaḥ saṃyuge bhagnā hatapravaranāyakāḥ || 7.8.21 ||
Translation
Thus, O lotus-eyed one, those Rakshasas, their foremost leaders slain, were repeatedly broken in battle by that Hari (Vishnu).
अशक्नुवन्तस्ते विष्णुं प्रतियोद्धुं भयार्दिताः । त्यक्त्वा लङ्कां गता वस्तुं पातालं सहपत्नयः ।। 7.8.22 ।।
aśaknuvantaste viṣṇuṃ pratiyoddhuṃ bhayārditāḥ | tyaktvā laṅkāṃ gatā vastuṃ pātālaṃ sahapatnayaḥ || 7.8.22 ||
Translation
Unable to withstand Vishnu in combat and tormented by fear, they abandoned Lanka and went, together with their wives, to dwell in Patala (the netherworld).
सुमालिनं समासाद्य राक्षसं रघुसत्तम । स्थिताः प्रख्यातवीर्यास्ते वंशे सालकटङ्कटे ।। 7.8.23 ।।
sumālinaṃ samāsādya rākṣasaṃ raghusattama | sthitāḥ prakhyātavīryāste vaṃśe sālakaṭaṅkaṭe || 7.8.23 ||
Translation
Having approached the Rakshasa named Sumali, O best of the Raghus, those of renowned valor remained established in the Salakatankata lineage.
ये त्वया निहतास्ते तु पौलस्त्या नाम राक्षसाः । सुमाली माल्यवान्माली ये च तेषां पुरःसराः ।।
ye tvayā nihatāste tu paulastyā nāma rākṣasāḥ | sumālī mālyavānmālī ye ca teṣāṃ puraḥsarāḥ ||
Translation
Those Rakshasas whom you slew were called the Paulastyas, and Sumali, Malyavan, and Mali were the ones who went before them as their leaders.
सर्वे तेभ्यो महाभागा रावणाद्बलवत्तराः ।। 7.8.24 ।।
sarve tebhyo mahābhāgā rāvaṇādbalavattarāḥ || 7.8.24 ||
Translation
All of them, greatly fortunate, were mightier than Ravana himself.
न चान्यो राक्षसान्हन्ता सुरारीन्देवकण्टकान् । ऋते नारायणं देवं शङ्खचक्रगदाधरम् ।। 7.8.25 ।।
na cānyo rākṣasānhantā surārīndevakaṇṭakān | ṛte nārāyaṇaṃ devaṃ śaṅkhacakragadādharam || 7.8.25 ||
Translation
And there is no other slayer of the Rakshasas, those enemies of the gods and thorns in the side of the celestials, save Narayana, the god who bears the conch, the discus, and the mace.
भवान्नारायणो देवश्चतुर्बाहुः सनातनः । राक्षसान्हन्तुमुत्पन्नो ह्यजेयः प्रभुरव्ययः ।। 7.8.26 ।।
bhavānnārāyaṇo devaścaturbāhuḥ sanātanaḥ | rākṣasānhantumutpanno hyajeyaḥ prabhuravyayaḥ || 7.8.26 ||
Translation
You are the god Narayana, four-armed and eternal, born forth to slay the Rakshasas, the unconquerable, the imperishable Lord.
नष्टधर्मव्यवस्थाता काले काले प्रजाकरः । उत्पद्यते दस्युवधे शरणागतवत्सलः ।। 7.8.27 ।।
naṣṭadharmavyavasthātā kāle kāle prajākaraḥ | utpadyate dasyuvadhe śaraṇāgatavatsalaḥ || 7.8.27 ||
Translation
Restorer of the order of dharma when it has perished, benefactor of creatures from age to age, fond of those who seek refuge, He takes birth for the destruction of the wicked.
एषा मया तव नराधिप राक्षसानामुत्पत्तिरद्य कथिता सकला यथावत् । भूयो निबोध रघुसत्तम रावणस्य जन्मप्रभावमतुलं ससुतस्य सर्वम् ।। 7.8.28 ।।
eṣā mayā tava narādhipa rākṣasānāmutpattiradya kathitā sakalā yathāvat | bhūyo nibodha raghusattama rāvaṇasya janmaprabhāvamatulaṃ sasutasya sarvam || 7.8.28 ||
Translation
O ruler of men, this entire origin of the Rakshasas has now been told by me to you faithfully, just as it was; hear further, O best of the Raghus, all about the unequaled power and birth of Ravana together with his sons.
चिरात्सुमाली व्यचरद्रसातलं स राक्षसो विष्णुभयार्दितस्तदा । पुत्रैश्च पौत्रैश्च समन्वितो बली ततस्तु लङ्कामवसद्धनेश्वरः ।। 7.8.29 ।।
cirātsumālī vyacaradrasātalaṃ sa rākṣaso viṣṇubhayārditastadā | putraiśca pautraiśca samanvito balī tatastu laṅkāmavasaddhaneśvaraḥ || 7.8.29 ||
Translation
For a long time that Rakshasa Sumali, tormented by fear of Vishnu, wandered in the netherworld of Rasatala; then the mighty lord of wealth (Kubera), accompanied by his sons and grandsons, came to dwell in Lanka.
इत्यार्षे श्रीमद्रामायणे वाल्मीकीये आदिकाव्ये श्रीमदुत्तरकाण्डे ऽष्टमः सर्गः ।। 8 ।।
ityārṣe śrīmadrāmāyaṇe vālmīkīye ādikāvye śrīmaduttarakāṇḍe 'ṣṭamaḥ sargaḥ || 8 ||
Translation
Thus ends the eighth canto in the venerable Uttara Kanda of the holy Ramayana, the first poem, composed by the sage Valmiki.